وحشانى يا امى

****************(وحشانى يا امى)****************

وحشانى يا أمى وحشانى *********** وحشانى ياغاليه وحشانى

روحتى وارتاحتى وسيبانى ******* من بعدك ليه انا مين تانى

الحزن برانى وسوانى *********** وزمانى بالمر سقانى

وغيابك فوق جرحى كوانى **********ولا حد يواسى فى احزانى

وحشانى يا أمى وحشانى ********** وحشانى ياغاليه وحشانى

فين حضنك فين انا عاوز ارتاح **** فينك ياطبيبه انا كلى جراح

مش لاقى امان مش لاقى حنان ******** حاسس بالوحده ووحدانى

ولفين الاحزان وخدانى ******** وحشانى يا أمى وحشانى

ياملاكى ونورى ومصباحى ********* ياحياتى وحبى وافراحى

انفض المولد حواليه ********* من بعد غيابك ياعنيه

مبقاش ولا ضيف *********ولا حتى فى طيف

الكل فاتونى لاشجانى *********حرمونى وزودوا حرمانى

وحشانى يا أمى وحشانى ********** وحشانى ياغاليه وحشانى

فى الجنه يا أمى با أعمالك ********يجازيكى المولى على ايمانك

صليتى وصومتى وحجيتى ******** ضحيتى وصونتى وربيتى

وسهرتى كتير لآجل عنيه ********* وتعبتى وريحتى ايديه

للخوف واليأس انا سيبانى ********* ادعى لى ربنا يرعانى

وحشانى يا أمى وحشانى ********* وحشانى ياغاليه وحشانى

يارب تعجبكم واحب اسمع تعليقاتكم

وحشانى يا امى 86190035